Олоҥхоһут Мария Николаевна Андросова-Ионова саха театральнай искусствотын үөскээһинигэр оруола.
Сүүрбэһис үйэ саҥатыгар саха театральнай искусствота үөскээһинэ олоҥхонон саҕаламмыта саарбаҕа суох. Ол курдук сахалыы тылынан бастакынан 1906 сыллаахха тохсунньу 3 күнүгэр спектакль буолан бирикээсчиттэр кулууптарыгар көрдөрүллүбүт айымньынан «Бэрт киһи Бэриэт Бэргэн» диэн үс көстүүлээх постановка буолар. Бу айымньы норуокка «Наара Суох» диэн аатынан биллибит П.А. Охлопков олоҥхотун сүнньүнэн оҥоһуллубут. Саха Өрөспүүбүлүкэтин Национальнай архыыбыгар кыраайы үөрэтээччи, …