Биһиги улууспут талааннарынан кэнчээри үүнэрин өссө төгүл туоһулаан, Булун нэһилиэгиттэн төрүттээх, оҕо ускуустубатын оскуолатын уһуйааччыта, чулуу ырыаһыппыт уонна алгысчыппыт Айта Васильева Туймаада ыһыаҕын сүрүн түһүлгэтигэр ыытыллыбыт оһуохай күрэҕэр Дархан этээччи үрдүк аатын ылар чиэскэ тигистэ!
Хомуска Дтохсоҕонтон Чемчоевтар сүрэхтэнэн 18 дьиэ кэргэнтэн Анал аат ылыллар.
Норуот ырыатыгар Иван Беляев, Леонид Егоров дуэта Бастакы Үрдэл, Тыараһаттан «Кылыһах» народнай фольклорнай ансаамбыл Иккис Үрдэл.
Чабырҕахха Тыараһаттан «Кылыһах» народнай фольклорнай ансаамбыл Бастакы Үрдэл (Гран При диэн суох)
Тимир ууһа Феликс Шамаев Бастакы Үрдэл.
Төрөөбүт Тааттабыт аатын үрдүктүк ааттаппыт дьоммутугар ис сүрэхпититтэн истиҥник махтанабыт! Өссө да үрдүк дабайыылары, дьолу-соргуну уонна уостубат айар аартыгы баҕарабыт!
