«Туос тойуктаах оһуора»
туос иһити тигээччилэр күрэстэрин балаһыанньата.
Буолар сирэ: Таатта улууһа, Ытык-Күөл, Ф.М.Охлопков аатынан сынньалаҥ паарката.
Буолар күнэ: Бэс ыйын 21 күнэ, 2026 с.
Буолар чааһа: 09.00 ч суруттарыы, 10.00ч күрэс саҕаланар.
Күөн-күрэс ирдэбилэ:
Иистэнньэҥ (18 сааһыттан үөһээ) уонна оҕо (5-11 кылаас) кыттар. Кыттааччылар сахалыы таҥастаах эбэтэр биир формалаах буолаллара ирдэнэр. Төрүт ииспитин сөргүтэн иннэнэн тигиллэр, бүргэс туттуллубат.
Кыттааччылар мэһэмээн, мээрэй иһити тигэллэр , үрдүгэ 25 см, түгэҕэ 9 см айаҕа 13 см буолар. Оҕо сиэлтэн ситии хатар, туймуулуур, иннэҕэ угарга көмөлөһөр. Кыттааччы станогунан хатара көҥүллэнэр. Кыттааччы туттар тэрилинэн матырыйаалынан бэйэтэ хааччынар. Кыттааччы биир хос туоһунан көҥдөйүн, түгэҕин дьиэтигэр тигэн аҕалар. Күрэс кэмигэр иитин тигэллэр.
Дьүүллүүр сүбэ сыаналыыр:
- мэһэмээн, мээрэй тигиллибит хаачыстыбата, тас көстүүтэ;
- ситии хаачыстыбата, туос иһити тигэргэ сөп түбэһэрэ;
- тигии ньымата, хаачыстыбата
Тургутуу:
- мэһэмээн, мээрэйгэ убаҕас ас кутуллан тургутуллар.
Наҕараада:
1, 2, 3 миэстэлэргэ бириис олохтонор. Кыайыылаахтар үлэлэрэ Таатта улууһун түмэллэригэр бэлэх быһыытынан үйэлэргэ хаалаллар.
Эппиэтинэстээх — 89245675595 Никифорова Яна Акимовна
