Таатта улууһугар Айар Ситим сылынан Оҕо көмүскэлин күнүгэр аналлаах «ОЛОҤХО ХОНУУТА» тэрээһин тэриллиннэ.Бэс ыйын 1 күнүгэр «Дьулуруйар Ньургун Боотур» стадиоҥҥа оҕо-аймах олоҥхо алыптаах эйгэтинэн тэрээһин буолан ааста. Оҕо уһуйааннарын иитиллээччилэрэ олоҥхо уобарастарын, оскуола үөрэнээччилэрэ саха суруйааччыларын айымньыларын геройдарын. илиилэригэр тутан, сэлэлии хаамыылара тэриллиннэ. А.С.Аргунов аатынан Таатта оҕо искусствотын оскуолатын «Кылыыҥкай» үҥкүү образцовай ансаамбыла мустубут оҕолору кытта бииргэ сахалыы флешмобка хамсаннылар.
Стадиоҥҥо мустубут кырачааннарыгар, төрөппүттэригэ улуус баһылыга А.С.Бурцев, Таатта нэһилиэгин баһылыга Е.И.Павлов, Үөрэх салаатын начальнига И.И.Дягилев эҕэрдэ тылларын тиэртилэр.
Күөх чээлэй хонууга «Арылы кустук» холбоһук иилээн-саҕалаан «Олоҥхо оонньуурдара уонна оонньуулара» түһүлгэни тэрийдилэр.
Бу күн сылын аайы ыытыллар «Олоҥхо киэҥ киэлитин сэгэтэн, улаҕа уорҕатын арыйан» олоҥхону 12 нэһилиэк уһуйаанын бүтэрээччилэрин толоруулара дьон-сэргэ сэҥээриитин ылла.
Сарсыардаттан Ф.Охлопков аатынан сынньалаҥ пааркатыгар «Сардаҥалаах татыйыктар» ырыа, үҥкүү, уус-уран ааҕыы, фольклор, уус-уран, ойуулуур-дьүһүннүүр быыстапкалар бэстибээлэ ыытыллынна.