Ыам ыйын 28 күнүгэр олоҥхоһут Чээбий биһиктэммит алааһыгар, Күннүк Уурастыырап хоһуйбут дойдутугар, саха Күөрэгэйэ туойбут түөлбэтигэр Алгыстаах Аммаҕа Эмис сиригэр XXIII төгүлүн ыытыллар «КҮН ОҺУОХАЙА» Илин эҥэр улуустар түөлбэ оһуохайдарын бэстибээлэ ыытылынна.
Бэстибээлгэ биэс улуустан 34 оһуохай этээччилэр саастарынан арахсан түһүлгэни төрүттээтилэр. Таатта улууһуттан 5 этээччи түөлбэбит үҥкүүтүн, матыыбын билиһиннэрдилэр.
Түмүккэ 55 саастарыттан үөһээ саастаахтарга III Үрдэл (10 000 солк. ДНС сертификата) Антонова Анастасия Николаевна, Тыараһа нэһилиэгэ «Кылыгырас кылыһахтаах этээччи» анал аат Иванова Анна Евстафьевна, Тыараһа нэһилиэгэ 5000 солк.
Ыччаттарга II Үрдэл (10 000 солк. ДНС сертификата) Яковлева Туйаара Владимировна, Чөркөөх с. уонна Мэҥэ Хаҥалас улууһун Дархан этээччи В.В.Никифоров анал бирииһэ аэрогриль тутта. «Кылыгырас кылыһахтаах этээччи» анал аат Семенова Альбина Николаевна, Ытык Күөл с. (3000 солк.) Дьүүллүүр Сүбэҕэ улуустааҕы норуот айымньытын дьиэтин дириэктэрэ Изабелла Александровна Сивцева үлэлээтэ.
Күн оһуохайа Илин эҥэрдэр күүтүүлээх түһүлгэбит буолар. Бу күн түөлбэ араастарын көрөн дуоһуйдубут, астынныбыт. Айаммытыгар көмөлөспүт улуус дьаһалтатыгар, сыыдам айаннаах суоппарбытыгар Винокуров Н.С. барҕа махталбытын тиэрдэбит.
Эһиил, 2027с. айар тыл аҕата Өксөкүлээх Өлөксөй 150 сылынан талыы талба Тааттаҕа ыытыллар буолла.
