🌿🌿🌿Таатта ыалдьыттары кэрэнэн көрүстэ!🌿🌿🌿
Манчаары оонньууларын үөрүүлээх аһыллыытын параадыгар Саха республикатын спортивнай хамаандалары арыаллаан киллэрбит кэрэчээн хостескалар -кэрэ арыалдьыттар Таатта ураты оһуорун-мандарын арыйдылар.
Бырайыак сылтан ордук бэлэмнэннэ. Баайаҕаҕа турар Борис Федорович Неустроев- Мандар Уус салайыытынан тигиллибит мааны баараҕай тутуубут-Моҕол ураһа олук буолан, Баайаҕаттан Алевтина Чурукова кэрэ көстүүлээх 2023 сыллаахха улуус фестивалыгар анаан таҥаһы айан, саңа санааҕа кыым саҕан, сайдан, Иван Васильевич Попов Чөркөөхтөөҕү түмэлгэ хараллан сытар ураһа эскииһин Марианна Степанова таңаска түһэрэн, ураты дьэрэкээн көстүүм айыллыбыта. Биир дойдулаахпыт Лариса Киприянова “РекТайм” дизайнера оцифровка, электроннай үлэтин таңан, бэчээттэнэн таҕыста.
Уустук тигиилээх үлэни күргүөмүнэн субуотунньук тэрийэн, Варвара Будикина салалтатынан Таатта улууһун 100% дьахталларын сэбиэтэ кыттыһан, Анна Билюкина салайааччылаах киин библиотека коллектива, Мария Бондарева салайыылаах Таатта нэһилиэгин бэтэрээннэрин сэбиэтэ, Сардана Кононова салайыылаах медколледж филиалын устудьуоннара, Екатерина Игнатьева салайар “Айылҕаана” түмсүүтэ, иистэнньэңнэр Сусанна Соломонова, Сардаана Репина, Агра Аянитова, Аграфена Баишева, Розалия Дегтярева, Саргылаана Слепцова бары күүһү түмэн, үтүмэннээх элбэх таңас тигиллэн олоххо киирэн, «Манчаары оонньууларын» киэргэттилэр.
Бу үтүөкэннээх үлэҕэ бары күүс-көмө буолбут дьоммутугар, уран тарбахтаах иистэнньэҥнэрбитигэр махтанабыт.
Кэрэ арыалдьыт кыргыттары түмэр, сүүмэрдиир бөлөх Раиса Петрова салайыылаах Валентин Козлов хореографтаах, Ада Васильева, Татьяна Захарова, Лариса Турнина уонна улуус нэһилиэктэрин норуот айымньыларын дьиэтин коллективтара үлэни тэрийдилэр.
Дойдуга дьиҥ бэриниилээх, тапталлаах Тааттабын чэчирии сайдарыгар, үтүө санааны эрэ иҥэрэр айымньылаах үлэҕит сайда турдун!
Махталы кытта
Марианна Степанова,
Бырайыак салайааччыта,
“Брендирование” хамыыһыйатын бэрэссэдээтэлэ