Нерюнгрига Олоҥхо ыһыаҕар Таатта аатын ааттаттыбыт

Нерюнгрига Олоҥхо ыһыаҕар Таатта аатын ааттаттыбыт

От ыйын 4-5 күннэригэр Нерюнгри куорат «Таастаах» түөлбэтигэр XVIII өрөспүүбүлүкэтээҕи Олоҥхо Ыһыаҕар  “Таатта улууһа” МО баһылыгын социальнай боппуруостарга солбуйааччы С.В.Сунхалыров салайааччылаах делегация, барыта 31 киһи, кыттыыны ылан ситиһии сиэттиһиилээх ким поеһынан, ким массыынанан айаннаан баран кэллибит.

Ситиһиилэрбит:

•         “Олоҥхо оспот омоон суолларынан” биирдиилээн олоҥхону толорууга

Оҕолорго:

Вероника Антоева, Дарияна Бурцева, Алеша Васильев, Айсаана Федорова, Эрсан Халыев (Орто Аммалар) кыттан Халыев Эрсан “Инникилээх толорооччу” (бирииһэ 5 тыһ.солк), Федорова Айсаана “Сэһэн сүнньүн тутааччы”(бирииһэ 5 тыһ.солк.) анал ааттары туттулар. Салайааччылара В.А.Парфенова.

Ыччаттарга:

Анал ааттары туттулар: Афанасий Собакин (Дьохсоҕон)- “Сэһэн тэтимин тутааччы” (бирииһэ 5 тыһ.солк.), Айаал Быгынанов (Орто Амма) – “Хомоҕой тыллаах толорооччу” (бирииһэ 5 тыһ.солк.).

Улахан дьоҥҥо (36-60 саастаахтарга):

Галина Полускина (Тыараһа) – 2 ҮРДЭЛ,

Улахан дьоҥҥо (60 үөһээ):

“Олоҥхо тэтимин тутааччы” анал аат — Клара Читаева (Ытык-Күөл), (бирииһэ 5 тыһ.солк.). Кыттыыны ыллылар: Мария Егорова (Ытык-Күөл), Татьяна Слепцова (Ытык-Күөл), Зинаида Слепцова (Уолба),

Импровизатор этээччилэргэ:

Алексей Николаев (Амма) – анал аат.

•         “Олоҥхо оспот омоон суолларынан” олоҥхону куолаан толорууга

Улахан дьоҥҥо:

Чөркөөхтөн “Умсулҕан” фольклорнай бөлөх. Салайааччы Розалия Филатова-Олоҥхо ассоцияциятыттан Махтал сурук;

•         “Аламай Күн алыптаах үҥкүүтэ” оһуохай күрэҕэр

Оҕолорго кыттыыны ыллылар Орто Амматтан “Сыккыс” фольклорнай бөлөх. Салайааччы Варвара Парфенова.

Оҕолорго кыттыыны ыллылар:

Орто Амматтан Васильева Саина, Вероника Антоева, Дарияна Бурцева, Алеша Васильев, Айсаана Федорова;

Ыччаттарга:

Дьохсоҕонтон Илья Наумов, Алдантан Айта Васильева, Ытык-Күөлтэн Айаал Быгынанов анал ааттар. “Бастыҥ кынатчыт” анал аат Галина Полускина

•         “Киристэпиэл кэрэхсэлэ” дэгэрэҥ ырыа күрэҕэр кытынна

Амма нэһилиэгиттэн Семен Налыяхов;

•         “Куйаар кутуллар дорҕооно” кырыымпаҕа толорууга Айта Васильева. Алдан нэһилиэгэ- “Мелодия души” анал аат (бирииһэ 5 тыһ.солк)

•         “Тыл оноҕос кэриэтэ сытыы, бэргэн” чабырҕаҕы

биирдиилээн толорууга Галина Полускина, Тыараһа — анал аат,

Бөлөҕүнэн толорууга Чөркөөхтөн Мария Сабарайкина, Светлана Никитина дуэттара-1 ҮРДЭЛ (бирииһэ 30 тыһ.солк). Салайааччы Р.Н.Филатова.

“Умсулҕан” бөлөх – “Элэкис-мэлэкис чабырҕах” анал аат (бирииһэ 5 тыһ.солк). Салайааччы Р.Н.Филатова.

•         “Кут кистэлэҥ иэйиитэ” тойукка Айта Васильева (Алдан нэһилиэгэ)-  3 ҮРДЭЛ (бирииһэ 10 тыһ.солк),

Кыттыыны ыллылар Дьохсоҕонтон Илья Наумов уонна Чөркөөхтөн Афанасий Собакин

•         “Эр бэрдэ” национальнай элбэх көрүҥ күрэхтэһиитигэр Ытык-Күөлтэн Владимир Михайлов үһүс төгүлүн кыайыылааъ аатын сүктэ.

  • “Хомус хомуһун дорҕоонноро” күрэскэ Алексей Николаев анал аат.

  • Сахалыы таҥаһы көрүү күрэһигэр Семен Налыяхов анал аат, бирииһэ 5 тыһ.солк.

  • Ону таһынан олоҥхоһут оҕолорбут, ыччаттарбыт аһаҕас халлаан анныгар Нерюнгри ыалдьыттарыгар олоҥхо аахтылар.

Таатта улууһун делегациятын Золотинка уонна Хани нэһилиэктэрэ көрүстүлэр.

Улууспут аатын ааттаппыт дьоммутугар, айаҥҥа көмөлөспүт “Таатта улууһа” МО  баһылыгар А.С.Бурцевка, Улуустааҕы норуот айымньытын дьиэтин директорыгар Г.Г.Вырдылиҥҥа, фольклорга методыһыгар М.Г.Егороваҕа барҕа махталбытын, дириҥ ытыктабылбытын биллэрэбит. Туппуккут тупсан, ылсыбыккыт ыпсан, санаабыккыт сатанан истин, ситиһии эрэ сиэттистин диэн алгыыбыт!

➜