Бэс ыйын 28-29 күннэригэр Туймаада ыһыаҕар улуустан оһуохайга, норуот ырыатыгар, саха төрүт инструменнарын күрэстэригэр талба талааннаах дьоммут кыттыыны ыллылар.
Улуустааҕы норуот айымньытын дьиэтин методиһа, Таатта оһуохайын түмсүүтүн салайааччылаах И.Ф.Иванов 7 этээччи кыттыыны ылла. Оһуохайга тумус туттар киһибит, СР культуратын үтүөлээх үлэһитэ, Дьохсоҕон нэһилиэгиттэн Афанасий Попов Кылаан кыайыылааҕынан ааттанан Дархан этээччи үрдүк ааты ылла. Айта Васильева Уус-Тааттаттан «Кылыһахтаах куоластаах этээччи», Алена Колодезникова түһүлгэ саамай эдэр кыттааччыта «Эдэр кэскиллээх этээччи», Ытык Күөлтэн Иван Иванов «Көлүөнэ утумун тутааччы», Дьохсоҕонтон Илья Наумов «Чөллөркөй көмүрүө куолас», саҥа саҕалааччылар Мария Беленкова, Чөркөөхтөн Михаил Прохоров анал 5000 солк. бириистэри туттулар.
«Төрүт дорҕоон» күрэһигэр Уус Тааттатааҕы оҕо искусствотын оскуолата «Сандаара» (Сал.А.Васильева, А.Николаева) «Бастыҥ күргүөм толоруу», «Алыптаах дорҕоон»
анал ааттары, бу бөлөх саха норуотун төрүт ырыатын толорууга «Кэскиллээх ырыаһыттар», тойукка оҕолорго Алена Колодезникова 2 степеннээх диплом ыллылар.
Чабырҕахха Тыараһатааҕы «Кылыһах» фольклорнай народнай ансаамбыл (сал.М.Говорова) 2 Үрдэл буоллулар.
Талыы талба Тааттабытын ааттаппын талааннаах дьоммутугар истиҥ эҕэрдэбитин тиэрдэбит.