Ыам ыйын 31 күнүгэр СӨ үөрэҕириитин туйгуна, СӨ уонна Орто Амма нэһилиэгин «Норуот айымньытын сайдыытыгар киллэрбит кылаатын иһин» бэлиэлэр туһааннаахтара Варвара Алексеевна Парфенова аймньылаах үлэтин 10
сылын бэлиэтиир дьоро киэһэтэ буолла.
Харбалаахха үлэлээбитэ уон сылын бэлиэтиир «Айымньылаах түһүлгэм — Харбалааҕым!» дьоро киэһэтэ буолан ааста.
Бу киэһэни ыраахтан- чугастан ыҥырыылаах ыалдьыттар кэлэн эҕэрдэлээтилэр, уһуйааччы быһыытынан ситиһиилээх үлэтин бэлиэтээн туран «Таатта улууһугар култуура сайдыытыгар киллэрбит кылаатын иһин» бэлиэни дохсун ытыс тыаһынан доҕуһуоллатан туттардылар. Бу дьоро киэһэҕэ бииргэ алтыспыт дьоно-сэргэтэ, олоҥхоҕо бөлөхтөрө, оҕо искусствотын оскуолатыгар үөрэтэр оҕолоро, түмсүүлэр истиҥ эҕэрдэлэрин тиэртилэр. Харбалаах уус-уран самодеятольнаһын кыттыылаахтара ырыанан-үҥкүүнэн киэргэттилэр.
