«Манчаары оонньууларыгар» бэлэмнэнии үлэтэ тэтимирдэ

«Манчаары оонньууларыгар» бэлэмнэнии үлэтэ тэтимирдэ. Улууспут олохтоохторо бүттүүн Оонньуулар барыыларыгар кылаатын киллэрсэн, туһааннаах үлэлэргэ кыттыһар. Бүгүн улуус киинин тэрилтэлэрэ: улуус, нэһилиэк дьаһалталарын, киинэммит бухгалтерия, «Күн туллуктара»,»Берёзка», «Туйаара», «Чуораанчык», «Сулусчаан», Улуустааҕы норуот айымньытын дьиэтэ, «Сарыал» КК, И.А. Аргунов аатынан улуустааҕы киинэммит библиотека, И.Г.Федосеев аатынан ДЮСШ уо.д.а, улууспут салайааччытын, успуорт көҕүлээччитин, тэрийээччитин Алексей Турнин аатынан Успуорт Дыбарыаһыгар сууйуу-сотуу субуотунньугар кытыннылар. Бу күнтэн саҕалаан Дыбарыаска олохтоохтор көмөлөрүнэн субуотунньуктар барыахтара.
Норуот күүһэ-Көмүөл күүһэ!