Муус устар 18 күнүгэр, Чөркөөххө, саха саарыннара уутуйан үөскээбит түөлбэлэригэр, улуустааҕы «Оҕо саас күннээх оһуохайа» оһуохайдьыт оҕолор түһүлгэлэрэ ыытылынна. Барыта 22 оҕо кыттан күүстээх тургутууну аастылар. Оһуохай түһүлгэтин сүрүн спонсора өрөспүүбүлүкэтээҕи «Оһуохай» түмсүү салайааччыта, биир дойдулаахпыт А.Д. Данилов. Кини Таатталыы оһуохай сайдыытыгар уонна оҕо — аймахха өбүгэ үтүө үгэстэрин, чуолаан оһуохайы иҥэриигэ болҕомтотун уурар анал сыаллаах көмөнү хаһыс да төгүлүн оҥорор.
Маны таһынан Октябрьскай нэһилиэк администрацията, орто оскуола коллектива, улуустааҕы НАДь, Чөркөөхтөөҕү Н.Н.Туласынов аатынан НАДь, «Күн оһуора» оһуохай түмсүүтэ бириистэри туруоран күрэхтэһиини сытыырхаттылар уонна байыттылар.
Дьүүллүүр сүбэҕэ өрөспүүбүлүкэтээҕи » Оһуохай» түмсүүтүн Дархан оһуокайдьыта В.В.Хорунов, М.Т.Хорунова, Н.А.Николаева үлэлээтилэр. Оһуохай түһүлгэтин бастыҥнарыгар анаммыт уу харчынан бириистэрин туттардылар. Кылаан кыайыылааҕынан Уус-Тааттаттан 8 кылаас үөрэнээччитэ Алена Колодезникова ылла (25 т. солк.) наҕараадаланна.
1 бөлөххө:
1 Үрдэл — А. Попова, 8 кылаас, Дьохсоҕон ( 15 т солк)
2 Үрдэл — С. Макарова, 8 кылаас, Дьохсоҕон ( 10 т солк)
3 Үрдэл -Н. Сабарайкина, 8 кылаас, Тыараһа ( 5 т солк)
2 бөлөххө:
1 Үрдэл -А. Федорова, 7 кылаас, Харбалаах (15 т солк)
2 Үрдэл — Д. Бурнашева, 7 кылаас, Харбалаах (10 т солк)
3 Үрдэл — Тарасов Лев, 5 кылаас, Ытык Күөл (5 т солк) наҕараадаланнылар.
Оһуохай түһүлгэтин кыттыылаахтарыгар Дьүүллүүр сүбэ быһаарыытынан сүрүн кыайыылаахтары таһынан анал ааттар иҥэрилиннилэр уонна Оһуохай Ыһыаҕын хартыынатын Бэлэх ууннулар.
Н.Н.Туласынов аатынан НАДь 10 т солк. сертификаты ( директор Прохоров М.М.) , Чөркөөхтөн » Күн оһуора» оһуохай түмсүү 2,5 т солк. уу харчынан (сал.Яковлева М.П.), оскуола коллектива ( директор Лебедев Е.В.), олохтоох дьаһалта (баһылык Семенов А.П.), Улуустааҕы норуот айымньытын дьиэтэ (директор Вырдылин Г.Г.) , улуустааҕы Оһуохай түмсүүтэ ( Иванов И.Ф.) сыаналаах бириистэри туруордулар.
Түмүккэ түһүлгэ кыттыылаахтара истиҥ махтал тылларын Өрөспүүбүлүкэтээҕи Оһуохай үрдүкү салалтатыгар А.Д.Даниловка махтал тылларын анаатылар уонна Дархан оһуохайдьыттар А.Н.Попов, В.В.Хорунов үҥкүү тылын этиилэригэр уһуйуллан тэҥҥэ түһүлгэҕэ доҕулдьуһа үҥкүүлэстилэр, ыллаан эҥээриттилэр. Таатта# Чөркөөх# Оһуохай2025
