Бэҕэһээ, муус устар 17 күнүгэр Тааттабыт биир киэн туттар киһитэ, Виталий Власов үбүлүөйдээх кэнсиэрэ буолан ааста.
Дойдубут, Тааттабыт иэйэр биһикпит дьонунан-сэргэтинэн биллэр. Айар кут айылҕа айдарыыта буолар эбээт. Улуу убайдарбыт сүҥкэн акылааттара биһиэхэ суон дурда, халыҥ хахха, тулхадыйбат Албан Аат буолар. Дойдубут Улуу Убайдарын ааттарын өрө тутан, үйэлэри утумнаан кэлэригэр биһиги Таатта дьоно хас биирдиибит ытык иэспит. Виталий Власов туох баар айар үлэтэ барыта Тааттаҕа ананар.
Виталий Власов айымньылара, кини айар кута Тааттаҕа төрөөн улааты үрдүк дьол буолуутун кэрэһэлиир.
Кэнсиэр икки чаастан ордук уһуннаах буолла. Тааттабыт уран тыла-өһө, матыыба, тыыннаах доҕуһуола сүрэҕи-быары манньытта.
Тааттабыт биир тумус туттар үтүө киһибитигэр барҕа махтал.
Өссө даҕаны Дойдубут аатын ааттата тур, айар бөрүөн сыппаабатын.
