«Түмсүү-төлкө төрдө» улуустааҕы бэстибээл

«Таатта улууһа» МО дьаһалтата, Улуустааҕы норуот айымньытын дьиэтэ, Улуустааҕы үөрэҕирии салаата тэрийиилэринэн Арассыыйаҕа Аҕа дойду көмүскээччилэрин, Саха Өрөспүүбүлүкэтигэр Ийэ дойдуну көмүскээччи, Таатта улууһугар Кыайыы сылларыгар уонна Улуу Кыайыы 80 сылыгар, Таатта улууһугар ыытыллар XXII-с «Манчаары оонньууларыгар» туһуламмыт «Түмсүү-төлкө төрдө» нэһилиэктэр икки ардыларыгар бэстибээл ыытылынна. Балаһыанньа быһыытынан бэстибээл 2 бөлөҕүнэн арахсан ыытылынна. Ол курдук:

1 бөлөххө: Алдан, Октябрьскай, Орто-Амма, Дьохсоҕон, Баайаҕа, Игидэй, Таатта нэһилиэктэрэ;

2 бөлөххө: Уолба, Дьүлэй, Хара-Алдан,Тыараһа, Даайа-Аммата, Уус-Амма, Амма нэһилиэктэрэ киирдилэр.

Бэстибээл ирдэбилинэн нэһилиэктэр көрдөрдүлэр:

Улуу Кыайыы 80 сылыгар анаммыт Аҕа көлүөнэ албан аата ахтыллар историческай матырыйааллары хомуйуулара (-Таатта улууһун бары нэһилиэктэригэр баар Аҕа дойду сэриитигэр анаммыт өйдөбүнньүктэр (холкуостар бэлиэлэрэ), сэриигэ атаарбыт ытык сирдэр хаартыскаларын түмэн күнүн-дьылын, кимнээх үлэлэспиттэрин ыйан туран туттарыы; — Кыайыы ыһыахтарын (1944 сылтан саҕалаан) хаартыскаларынан альбом оҥоруу)
Норуот уус-уран оҥоһуктарын быыстапката: 2.1.Манчаары оонньуутугар ананар Таатта улууһун уратытын арыйар сувенирнай бородууксуйа быыстапката. 2.2. «Кыайыы чорооно» арт-инсталляция.
Театрализованнай дьүһүйүү
Академическай кэнсиэр: — хор -Улуу Кыайыы 80 сылыгар аналлаах уус-уран ааҕыы — «Талах курдаах Таатта уолаттара», «Синий платочек» үҥкүүлэр — эр дьон, дьахтар холбоһуктаах вокальнай ансаамбыл толоруутугар патриотическай ырыа, — «Саха саллаатын дойдутугар ахтылҕана» хомуһунан дьүһүйүү, — «Уруйдуубун Улуу Кыайыыны» тойук, — «Барыта — фроҥҥа, барыта Кыайыы туһугар» норуот ырыата, — соло, — «Сүгүрүйэбит, сирдээҕи олоҕу уһансыбыттарга» оһуохай.

Түмүккэ 1 миэстэни ылбыт нэһилиэктэр 100 тыһ.солк, 2 миэстэни ылбыттар 60 тыһ.солк., 3 миэстэни ылбыттар 40 тыһ.солк наҕараадаланыахтара. Биһирэммит нүөмэрдэр Кыайыы 80 сылыгар аналлаах Гала-кэнсиэргэ кыттыыны ылыахтара.

«Түмсүү-төлкө төрдө» бэстибээл бар дьону түмэн, сомоҕолоон, аҕа көлүөнэ албаннаах кыайыытын үүнэр көлүөнэҕэ өйдөтө-саната туруохтун, бары күүһү түмэн, «Манчаары оонньууларын» үрдүк таһымҥа ыытарга тирэх, көмө буолуохтун!

Даайа-Аммата нэһилиэгин кэнсиэриттэн хаартыскалар