Бүгүн Былатыан Ойуунускай аатынан Таатта народнай театрыгар улуус культураҕа салаатын профсоюһун эдэр үлэһиттэрэ “Культура. Профсоюз. Молодежь” диэн деловой көрсүһүүгэ муһуннулар.
Көрсүһүүнү культура үлэһиттэрин улуустаҕы профсоюзнай кэмитиэтин бэрэссэдээтэлэ Раиса Родионовна Петрова иилээн-саҕалаан ыытта. Ол курдук манна Таатта улууһун нэһилиэктэриттэн культура эйгэтин эдэр специалистара кэллилэр. Кинилэри сэргэ көрсүһүүгэ ыҥырыллан кэллилэр:
Петр Егорович Захаров – Манчаары оонньууларын дирекциятын салайааччыта, Варвара Петровна Рахлеева – Таатта улууһун дьаһалтатын ыччат уонна дьиэ-кэргэн политикатын отделын начальнига, Руслан Семенович Ковлеков – СР СФР Тааттатааҕы отделын клиентскай сулууспатын сүрүннүүр специалиһа, Альбина Николаевна Башарина – ГКУ ЦСЗН кылаабынай специалиһа, Майя Борисовна Аргунова – АКБ “Алмазэргиэнбанк” АО Ытык Күөллээҕи офиһын салайааччыта.
Күн иккис аҥарыгар культура профсойууһун куруутун өйүүр «Центр социально-психологической поддержки семьи и молодежи» тэрилтэ специалиһа Айталина Артуровна Филиппова, ыччаты уонна дьиэ кэргэни кытта үлэҕэ улуустааҕы отдел специалиһа Анастасия Вячеславовна Габышева эдэр ыччаттарга квест оонньуу ыытан сэргэхсийии буолла, кыттааччылар бэйэ-бэйэлэрин өссө чугастык билсэллэригэр төһүү буолла. Күн биир улахан түмүгүнэн культура ыччатын саҥа сэбиэтин састааба талылынна. Бэрэссэдээтэлинэн И.Слепцов аатынан Уолбатааҕы НАДь директора Л.А.Егоров талылынна. Чилиэннэринэн Ытык-Күөлтэн Сыромятникова Л.А., Антоев А.В., Туора-Күөлтэн Свинобоев А.В., Чөркөөхтөн Прохоров М.М., Харбалаахтан Быгынанов Н.Н., Даайа-Амматыттан Максимова И.И. талылыннылар. Саҥа састаапка ситиһиилэри баҕарабыт!
