Дойдубут инники сайдыытыгар саҥа саҕахтары кыспыт Сахабыт Сирин Суверинитетын ситиспит, бастакы Президеммыт — Михаил Ефимович Николаев төрөөбүт күнүгэр, Талыы- талба Таатта улууһун килбэйэр киинигэр Ытык-мааны Ытык-Күөлгэ муһуннубут үөрүүлээх кэрэ-бэлиэ түгэннэ!
Бүгүн, Сарсыҥҥыны тустэһэр, улэһит дьоммутугар, кэрэни кэрэһэлиир кэлэр көлүөнэбитигэр анаан, Таатта улууһун ыччатын киинин арыйабыт! Саҥаны саҕалыыр, сайдыыны түстүүр тэрээһиммитин толуу-мааны тойугунан, кэрэкэ тылынан алгыһын тиэртэ — Саха өрөспүүбүлүкэтин үтүөлээх оһуохай этээччитэ, Ыччат политикатын туйгуна, “Дьиэ-кэргэн политикатын сайдыытыгар кылаатын иһин” бэлиэ хаһаайына, алгысчыт — Иван Иванов.
Таатта улууһун ыччатын киинин арыйар кэрэ бэлиэни — аалай лиэнтэни кырыйарга ыҥырылыннылар: Таатта улууһун Депутаттарын Сэбиэтин Бэрэссэдээтэлэ- Петр Петрович Максимов; “Таатта нэһилиэгэ” Муниципальнай тэриллии баһылыга – Егор Иннокентьевич Павлов; “Дирекция сельских инициатив” Муниципальнай Автономнай тэрилтэ директора — Михаил Васильевич Макаров; Таатта улууһун ыччат уонна дьиэ-кэргэн политикатын отделын начальнига – Варвара Петровна Рахлеева; Улуустааҕы норуот айымньытын дьиэтин директора Гаврил Гаврильевич Вырдылин.
Ыччат киинин тэриллиитин билиһиннэрэргэ тылы бэрилиннэ “Дирекция сельских инициатив” Муниципальнай Автономнай тэрилтэ директорыгар- Михаил Васильевич Макаровка. Эҕэрдэ тыллары Таатта улууһун Депутаттарын Сэбиэтин Бэрэссэдээтэлэ Петр Петрович Максимов, “Таатта нэһилиэгэ” Муниципальнай тэриллии баһылыга Егор Иннокентьевич Павлов, куйаар ситиминэн Саха Өрөспүүбүлүкэтин ыччат политикатыгар уонна социальнай коммуникацияларга министырын эбээһинэһин толорооччута, Россия Геройа Игорь Васильевич Юргин, Улуустааҕы норуот айымньытын дьиэтин директора Гаврил Гаврильевич Вырдылин, «Былатыан ыччаттара» түмсүү тэрийээччитэ Михаил Петрович Тарасов, Таатта улууһун ыччат уонна дьиэ-кэргэн политикатын отделын начальнига Варвара Петровна Рахлеева.
Үөрүүлээх үтүө түгэммит үөрүүлээх чааһа улууспут Өрөгөй ырыатын бука бары бииргэ ыллааһынынан түмүктэннэ. Салгыы араас кэмҥэ Ыччат отделын начальнигынан үлэлээбит-хамсаабыт үтүө дьоммутун кыттары көсүһүү, Форсайт- сессия ыытылынна. Форсайт- сессияны иилээн-саҕалаан ыытта- Анемпадист Иванович Софронов –Алампа аатынан Ытык-Күөл бастакы нуүмэрдэх оскуолатын директорын иитэр үлэҕэ солбуйааччыта — Константин Леонидович Егоров.
