«Хоновские чтения» өрөспүүбүлүкэтээҕи форумҥа кыттыыны ыллыбыт

Алтынньы ый 3 – 4 күннэригэр Уус – Алдан улууһун киинигэр Бороҕоҥҥо СӨ култууратын үтүөлээх үлэһитэ, СӨ култууратын бочуоттаах ветерана, олоҕун методическай үлэҕэ анаабыт Хон Семен Васильевич сырдык кэриэһигэр анаммыт норуот айымньытын дьиэлэрин үлэһиттэригэр, методистарыгар аналлаах иккис төгүлүн «Хоновские чтения» өрөспүүбүлүкэтээҕи конференция ыытылынна. Биһиги улуустан барыта 8 специалист кыттыыны ылла. Программа быһыытынан бастакы күн норуот айымньытын дьиэлэрин үлэһиттэрин икки ардыларыгар ыытыллыбыт «Күн эйгэ» күрэскэ 9 киһи кыттыыны ылла. Биһиги улуустан Игнатий Слепцов аатынан Уолбатааҕы норуот айымньытын дьиэтин директора Леонид Егоров ситиһиилээхтик кытынна. Киниэхэ «Уолбан» вокальнай бөлөх уолаттара көмө – тирэх буолбуттарыгар махтанабыт.
Иккис күн секцияларынан үлэлэргэ биһиги специалистарбыт бырайыактарынан кытыннылар, биир идэлээхтэрин сэҥээриилэрин ыллылар, элбэх ыйытыкка хоруйдаатылар.
«Создание креативных пространств досуга для различных социальных категорий населения» диэн бастакы секцияҕа «Кустук» оҕо образцовай драматическай театрын салайааччыта Татьяна Ивановна Захарова, «Эрэл» сааһын ситэ илик оҕолору чөлүгэр түһэрэр киин үлэһиттэрин кытта тэрийэн ыытар «Мин олоҕум,бэйэм илиибэр» сомоҕо социальнай хабааннаах бырайыактарын кэпсээн истээччилэр сэҥээриилэрин ылла.
«Модернизация дизайна, благоустройства помещений и прилегающей к клубу территории» иккис секцияҕа «Модернизация и благоустройство территории» бырайыагын А.Ф.Бояров аатынан Игидэйдээҕи норуот айымньытын дьиэтин уус – уран салайааччыта Мария Иннокентьевна Ермолаева кэрэхсэбиллээхтик кэпсээтэ.
«Народное творчество – как основной аспект развития культуры в целом» секцияҕа Л.Н.Турнин аатынан Тыараһатааҕы «Алгыс» норуот айымньытын дьиэтин дириэктэрэ Алена Алексеевна Сабарайкина «Саха АССР култууратын үтүөлээх үлэһитэ, «Үлэ Кыһыл Знамята” орден кавалера, улуу хомусчут Лука Николаевич Турнин стипендиятын аныыр күрэс» дакылаатынан истээччи болҕомтотун тарта, сэҥээриини ылла.
Маны таһынан «Методическое и нормативно – правовое обеспечение как фактор повышения эффективности работы КДУ» секция үлэтигэр улуустааҕы норуот айымньытын диэтин дириэктэрин солбуйааччы Раиса Родионовна петровна кыттыыны ылла.