«КҮН ҮҤКҮҮТЭ ОҺУОХАЙ» илин эҥэр уонна түөлбэ оһуохайын күрэҕэр ситиһиибит

Ыам ыйын 26 күнүгэр Мэҥэ Хаҥалас улууһун Майа с. Ураһалаах алааһыгар Арассыыйаҕа Дьиэ кэргэн, Сахабыт Сиригэр Оҕо саас сылларынан «КҮН ҮҤКҮҮТЭ ОҺУОХАЙ» илин эҥэр уонна түөлбэ оһуохайын күрэҕэ ыытыллынна

Илин эҥэр оһуохайдарын сөргүтэр сыаллаах-соруктаах Мэҥэ Хаҥаластан, Уус Алдантан, Амматтан, Чурапчыттан , Тааттаттан улхана дьоҥҥо 34, оҕолорго 11, ыччат 11 күөн-көрүстүлэр.
Дьүүллүүр сүбэҕэ СӨ олоҥхо ассоциациятын Президенэ Ф.В.Шишигина, оһуохайы чинчийээччи , туруорааччы, СӨ култууратын үтүөлээх үлэһитэ С.П.Толстякова, Г.Г.Колесов аатынан Мэҥэ Хаҥалас олоҥхо Дьиэтин дириэктэрэ Е.Н.Иванова, олоҥхону толорооччу, Дархан этээччи В.В.Никифоров уонна оһуохай эйэгтигэр үлэлиир ыҥырыылаах ыалдьыттар үлэлээтилэр. Дьүүллүүр сүбэ кыттааччылар этэр тылларын ис хоһоонун, уус уран тылын, куоластарын чөллөркөйүн, кылыһахтарын кэрэтин, түһүлгэ дьонун көҕүлээһиннэрин, кынат дьонун, таҥастарын-саптарын ирдэбил быһыытынан сыаналаатылар.
Түөлбэ үҥкүүтүн Дьохсоҕонтон СӨ үтүөлээх оһуохай этээччилэрэ А.Н.Попов, И.И. Потапов, Л.А. Попова, Тыараһаттан А. Н. Антонова, А.Е. Иванова, оҕолорго Симона Макарова, Айлаана Попова кыттыыны ыллылар.
Саастарынан арааран I, II, III үрдэллэр, үктэллэр анал ааттар, Кылаан Кыайыылаахтар ааттаннылар.
Түмүккэ улахан дьоҥҥо 1 Үрдэл Афанасий Попов, 3 Үрдэл Иван Потапов, анал аат Лариса Попова, оҕолорого 2 Үрдэл Симона Макарова ыллылар.
Тапталлаах Тааттабыт ураты ырыалаах-үҥкүүлээх оһуохайын оройуттан тутан киэҥ араҥаҕа тарҕатар, үйэтитэр оһуохайдьыттарбытыгар ситиһии көтөллөнөн кэлбиккитигэр Уруй-Айхал!
Күрэххэ кыттыыны ылалларгыгар көмөлөспүт улуус баһылыгар А.С.Бурцевка, МАУ ТОУ дириэктэригэр К.Ю.Сидоровка, Дьохсоҕон нэһилиэгин баһылыгар В.А.Охотиҥҥа, Тыараһа нэһилиэгин баһылыгар П.П.Турниҥҥа, улуус норуот айымньытын дьиэтин дириэктэригэр Г.Г.Вырдылиҥҥа, суоппарга С.Н.Огонеровка махталбытын тиэрдэбит.