Ахсынньы 17 күнүгэр Мэҥэ-Хаҥалас улууһун Аллараа Бэстээҕэр бальнай үҥкүүнү толорооччулар «Кыталык-2023» республикатааҕы күрэҕин «Кыталык» МБУК ДЮЭЦ тэрийдэ. Күрэх үрдүк таһымнаахтык буолан ааста. Дьүүллүүр сүбэҕэ 5 киһи үлэлээтэ, председателинэн СР культуратын үтүөлээх үлэһитэ, А.Е.Кулаковскай аатынан ДДН иһинэн үлэлиир «Мозаика» спортивнай бальнай үҥкүү народнай ансаамбылын салайааччыта М.З. Сивцев үлэлээтэ. Бу күрэххэ Ф.С.Аргунов аатынан Тааттатааҕы оҕо искусство оскуолатын Уус-Тааттатааҕы филиалын үҥкүү салаатын оҕолоро ситиһиилээхтик кыттан кэллилэр. Ол курдук учуутал Лукина Н.Г. үөрэнээччилэрэ «Юниоры-1» категорияҕа:
Винокурова Уйгууна, Васильев Дима — 2 миэстэ, Аянитова Эльза, Неустроев Юлиан — 3 миэстэ, «Дети-2 (соло)» категорияҕа:
Неустроева Ляна, Местникова Уйгулаана, Неустроева Карина, Сивцева Алгыстаана дипломант, учуутал Голикова Е.П. үөрэнээччилэрэ Лебедева Алекса, Аммосов Владик «Дети-2» уонна «Юниоры-1» категорияларга 1 миэстэ буоллулар.
