Таатта улууһун Бочуоттаах олохтооҕо,
РФ оскуолаларын үтүөлээх учуутала, төрүт культура методиһа, саха фольклорун тарҕатааччы Мария Петровна Прокопьева төрөөбүтэ 85 сылын сырдык аатыгар анаммыт
III төгүлүн ыытыллар « КЫЛЫҺАХ КЫРДАЛА »
уһуйаан, оскуола оҕолоругар аналлаах аһаҕас фольклорнай күрэх балаһыанньата.
Ыытыллар кэмэ: Муус устар 4 күнэ, 2025 с.
Тэрийээччилэр: “Уус-Амма” олохтоох дьаһалта, улуустааҕы норуот айымньытын дьиэтэ, «Айтал» норуот айымньытын дьиэтэ, улуустааҕы үөрэх салаата, Г.Д Бястинов-Бэс Дьарааһын аатынан Чымынаайы орто оскуола-саада, оҕолоро, аймахтара, үөрэппит оҕолоро.
Тэрээһин сыала-соруга:
-саха норуотун фольклорун тарҕатыы, тэнитии, үйэтитии;
-кыра саастарыттан фольклор көрүҥнэрин билиһиннэрии, көлүөнэттэн көлүөнэҕэ бэриллэрин ситиһии;
-эдэр талааннаах оҕолору дьон биһирэбилигэр таһаарыы.