Ытык Таатта нэһилиэгин олохтоохторо уонна ыалдьыттара Саха Өрөспүүбүлүкэтэ төрүттэммит күнүн Былатыан Ойуунускай аатынан Таатта народнай театрыгар Өрөспүүбүлүкэбит төрүттэммит баай устуоруйатын «100 лет мечты: путь Якутской Государственности» киинэни көрүүттэн саҕалаатылар. Салҕыы Былатыан Ойуунускай скверыгар Өрөспүүбүлүкэ тэриллибит күнүгэр анаммыт үөрүүлээх миитин, нэһилиэк бары оскуолатын үөрэнээччилэригэр РФ гражданинын паспорын туттарыы, сибэкки дьөрбөтүн ууруу сиэрэ-туома ыытылынна. Киин болуоссакка “Сомоҕолоһуу оһуохайа” тэрилиннэ.
