Кулун тутар 21 күнүгэр Таатта-Чурапчы аартыгар субуотунньук тэрилиннэ. Манчаары Оонньуутун дирекциятын толорооччу дириэктэрэ МП Тарасов субуотунньугу салайда. Улуус дьаһалтата, депутааттара, МАУ «Техресурс» тэрилтэтэ, улуустааҕы норуот айымньытын дьиэтэ, социальнай харалта управленията, «Сарыал» спорт култуура киинэ, Тыараһа эр дьоно буолан үлэ күөстүү оргуйда. Арыы тыа уонна суол уҥуор тыата кэрдилиннэ. Тимир Аал Луук Мас уонна Таатта улууһун тимир гиэрбэтэ Тыараһалар ыһыахтыыр сирдэригэр «Арыылаахха» көстүлэр.
Алгыс сиэрин-туомун Уйбаан Уйбаныап оҥордо. Салгыы, муус устар саҥата, «Сельдорстрой» тэрилтэтэ арыы тыа оннугар таас-кумах кутуохтаах, тэҥниэхтээх. Ол кэнниттэн Таатта-Чурапчы суругун тутуута саҕаланыаҕа. Федеральнай трасса арыый көнүөхтээх. Биир өттүгэр, олоҥхоһут аттыгар Моҕол ураһа онно оҥоһуута саҕаламмыта, сваялар түспүттэрэ. «Ректайм» тэрилтэтэ муус устарга ураһа оннун, ыраастанар сири түмүктүөхтээх.
Аартыкпытыгар өссө субуотунньуктар мантан сайын буолуохтара. Ыҥырбыт дьоммут көхтөөхтүк кыттаарын. Уопай үлэҕэ сылдьыбыт эр дьоммутугар улахан махталбытын тиэрдэбит.
Манчаары Оонньуутун дирекциятын пресс киинэ
