1945 сыл ыам ыйын 9 күнэ – улуу Кыайыы үөрүүнү, сырдык ыра санааны аҕалбыт, хаһан да уҕараабат долгутуулаах, харах уулаах бэлиэтиир, ытык дьоммутун — уоттаах сэрии, тыыл бэтээрээннэрин ахтар, саныыр, сүгүрүйэр күнэ, саҥа көлүөнэ махтал тылларынан айхаллыыр күнэ.
Биһиги тыыннаахтар дьоллоох көҥүл олохпут иһин бэйэлэрин күндү олохторун, сырдык тыыннарын толук биэрэн, сэрии будулҕан толоонугар өлбүттэри: сорохпут аҕаларын, сорохпут таптыыр оҕолорун, кэргэттэрин, доҕотторун кэриэстиир, үйэтитэр, кинилэргэ сиргэ тиийэ сүгүрүйэр ытык иэстээхпит.
