Ыам ыйын 7 күнүгэр саха саарына, саха култууратын аан дойду таһымыгар таһаарбыт чаҕылхай киһибит Иван Васильевич Попов 150 сылыгар анаммыт тэрээһиннэр чэрчитинэн Ытык Күөллээҕи «Таатта» литературнай-художественнай музейыгар, Иван Васильевич бэйэтэ сүрэҕинэн сөбүлээн уруһуйдуур сиригэр-уотугар-Хадаайыга ыытыллыбыт пленэр — кини сырдык аата, дьоһуннаах олоҕо, айар үлэтэ хас биирдиибитигэр үтүө холобур буоларыгар ананна. Пленэри улуустааҕы «Таатта-Арт» худуоһунньуктар түмсүүлэрэ (салайааччы Марианна Степанова) тэрийэн, Тааттатааҕы оҕо искусствотын оскуолатын ойуулуур-дьүһүннүүр салаа үөрэнээччилэрэ,
А.И.Софронов-Алампа аатынан Ытык Күөл 1 нүөмэрдээх оскуолатын, А.Е.Мординов аатынан Тааттатааҕы лицей, Туора-Күөл, Уус-Таатта оскуолаларын үөрэнээччилэрэ, кэрэни кэрэхсиир Таатта нэһилиэгин олохтоохторо көхтөөх кыттыыны ыллылар.
