Муус устар 2 күнүгэр Уус Алдан Бороҕонугар улуу Өксөкүлээх сыдьааннара Реас Алексеевич 110, Атос Реасович 85 аҕалаах уол үбүлүөйдээх сылларынан «Төрүт киһи төрүөҕэ, ытык киһи ыччата» дириҥ ис хоһоонноох көрсүһүү буолан ааста. Тааттаттан Реас Алексеевич төрөппүт кыыһа Рива Реасовна кэргэнинээн Гаврил Гаврилович Дарбасовтыын, улуус баһылыгын социальнай боппуруоска солбуйааччы С.В.Сунхалыров салайаачылаах делегация баран кыттан, санаа үллэстэн кэллибит. Бороҕон саҥа тутууларыгар экскурсияҕа сылдьан элбэҕи көрөн, астынан кэллибит.
Көрсүһүүгэ А.Е.Кулаковскай кииниттэн учуонайдар элбэх солуну кэпсээтилэр ол тула кэпсэтии барда, ордук Е.П Чехордуна Реас Алексеевич «Аҕам олоҕо» кинигэтинэн этнопедогогика сүнньүнэн программа оҥорон Тыараһа оскуолатыгар үлэлии турарын билиһиннэрдэ.
Раиса Реасовна кыыһа, Суотту музейыгар улэлиир, экскурсовод Степанова Лариса Степановна дьиэ кэргэҥҥэ анаммыт быыстапканы бэрт сэргэхтик кэпсээтэ.
Маргарита Попова, Албан аат музей үлэһитэ
