“Айымньылаах үлэ аартыгынан” улуустааҕы культура үлэһиттэригэр аналлаах күрэс ыытылынна

Россияҕа кулун тутар 25 күнэ – Культура үлэһитин күнэ. Бу күнү көрсө кулун тутар 20 күнүгэр,Тыараһаҕа, Л.Н.Турнин аатынан “Алгыс” норуот айымньытын дьиэтигэр СӨ культуратын туйгуна, Россия Суруналыыстарын сойууһун чилиэнэ, нэһилиэк культуратын сайдыытыгар сүҥкэн кылааттаах, ытыктыыр киһибит Татьяна Михайловна Лексекуна аатынан “Айымньылаах үлэ аартыгынан” аан бастакытын улуустааҕы культура үлэһиттэригэр аналлаах күрэскэ бастыҥтан бастыҥ үлэлээх-хамнастаах, айар-тутар талааннаах культура үлэһиттэрэ күөн көрүстүлэр. Ол курдук:

Уолбаттан Игнатий Слепцов аатынан норуот айымньытын киинин звукооператора Леонид Арсентьевич ЕГОРОВ;
Чөркөөхтөн Николай Туласынов аатынан норуот айымньытын дьиэтин уус-уран салайааччыта Анна Михайловна ОБОЮКИНА;
Дьохсоҕонтон Анемподист Иванович Софронов — Алампа аатынан норуот айымньытын дьиэтин уус-уран салайааччыта Анна Васильевна КОНСТАНТИНОВА;
Ытык-Күөлтэн “Сарыал” Культура уонна спорт сайдыытын киинин уус-уран тэрийээччитэ Иннокентий Михайлович ВИНОКУРОВ;
Хара-Алдантан “Аллан” норуот айымньытын дьиэтин директора Татьяна Петровна ЖИРКОВА;
Чымынаайыттан “Айтал” норуот айымньытын дьиэтин уус-уран салайааччыта Соломон Лукич НИКОЛАЕВ.

Күрэс бэйэни билиһиннэрии, талааны көрдөрүү, көрөөччүнү кытта үлэ, сорудаҕы толоруу курдук түһүмэхтэрдээх.

Дьүүллүүр сүбэҕэ, бэрэссэдээтэл — СӨ культуратын туйгуна, Улуустааҕы норуот айымньытын дьиэтин кулууптары кытта үлэҕэ сүрүннүүр специалиһа — Ада Ивановна ВАСИЛЬЕВА;

-Татьяна Михайловна Лексекуна төрөппүт кыыһа, Уус-Тааттатааҕы “Харыйачаан” оҕо уһуйаанын сэбиэдиссэйэ, “Сүрэх сылааһын – оҕолорго” бэлиэ, “За вклад в развитие дошкольного образования РС (Я)” анал бэлиэ хаһаайката — Варвара Васильевна ТУЛАСЫНОВА;

-СӨ культуратын туйгуна, Л.Н.Турнин аатынан “Алгыс” норуот айымньытын дьиэтин директора — Алена Алексеевна САБАРАЙКИНА үлэлээтилэр. Түмүккэ:

I ҮРДЭЛ – ЛЕОНИД ЕГОРОВ

II ҮРДЭЛ – АННА КОНСТАНТИНОВА

III ҮРДЭЛ – ИННОКЕНТИЙ ВИНОКУРОВ

“КӨРӨӨЧЧҮ БИҺИРЭБИЛЭ” анал аат – АННА ОБОЮКИНА

“ТАЛБА ТАЛААН” анал аат – ТАТЬЯНА ЖИРКОВА

“КЭСКИЛЛЭЭХ ҮЛЭҺИТ” анал аат – СОЛОМОН НИКОЛАЕВ

“АЙЫМНЬЫЛААХ ҮЛЭҺИТ” анал аат – АННА ОБОЮКИНА

УНАДь АНАЛ БИРИИҺЭ – СОЛОМОН НИКОЛАЕВ.

Күрэс спонсордара:

— Татьяна Михайловна Лексекуна оҕолоро, аймахтара;

— Татьяна Михайловна оскуолаҕа бииргэ үөрэммит доҕотторо;

— “Тиэхэлэр-Бэтиэхэлэр” көр-күлүү бөлөҕүн артыыстара;

— М.Н.Турнин аатынан Тыараһа орто оскуолата;

— Тыараһатааҕы коррекционнай интернат-оскуола;

— Л.Н.Турнин аатынан “Алгыс” норуот айымньытын дьиэтэ.

Бу күрэс инникитин үс сылга биирдэ Тыараһаҕа ыытыллар биир үтүө тэрээһин буолан, культура эйгэтигэр саҥа ааттары арыйа туруоҕа, айымньылаах үлэлэригэр аартыктарын арыйыаҕа.

ЖЕРЕБЬЕВКА КЭМЭ