Олунньу 26 күнүгэр Таатта улууһун Тыараһа нэһилиэгэр М.Н.Турнин аатынан Тыараһа орто оскуолатын уонна Л.Н.Турнин аатынан “Алгыс” норуот айымньытын дьиэтин тэрээһиннэринэн VI- c төгүлүн “Тыыннаах тыл” кэпсээн ааҕыытын күрэһэ ыытылынна. Уопсайа 56 сайаапка киирбититтэн, түмүктүүр түһүмэххэ 39 оҕо ааһан, бу күн Тыараһа орто оскуолатыгар чахчы даҕаны, “тыыннаах тыл” түһүлгэтэ тардылынна. Таатта, Чурапчы, Мэҥэ-Хаҥалас, Дьокуускай куораттан кыттааччылар үс бөлөҕүнэн арахсан, саха суруйааччыларын кэпсээнин дьүүллүүр сүбэ иннигэр өйтөн аахтылар. Муома, Кэбээйи оҕолорун ааҕыытын видеонан көрдүлэр.
Дьүүллүүр сүбэҕэ үлэлээтилэр:
- Дьүүллүүр сүбэ бэрэссэдээтэлэ, СТРУЧКОВ Илья Юрьевич, П.А.Ойуунускай аатынан Саха академическай театрын артыыһа
- ЯКОВЛЕВА Матрена Петровна, П.В.Толстяков аатынан Чөркөөхтөөҕү народнай театр режиссера, СР үөрэҕириитин уонна культуратын туйгуна
- ПЕРМЯКОВА Марфа Даниловна, «Саха» НКИХ сериал сулууспатын салайаачыта, Россия Суруналыыстарын союһун чилиэнэ, СР Культуратын туйгуна.
- БАРАШКОВА Жанна Федоровна, СӨ “Сайдыы” саха тылын, литэрэтиирэтин, төрүт култуура учууталларын ассоциациятын бэрэссэдээтэлэ, СР Үөрэҕириитин туйгуна, РФ Уопсай үөрэхтээһинин Бочуоттаах үлэһитэ.
- АНДРОСОВА Оксана Прокопьевна, А.Е.Мординов аатынан Тааттатааҕы лицей саха тылыгар уонна литературатыгар учуутала, Россия Суруналыыстарын сойууһун чилиэнэ, РФ Бочуоттаах үлэһитэ, СӨ Үөрэҕириитин туйгуна, “Умсулҕан” литературнай лааҕыр салайааччыта, “Уран тыл” литературнай түмсүү бэрэссэдээтэлэ.
Бу күрэскэ Улуустааҕы норуот айымньытын дьиэтин иһинэн үлэлиир “Кустук” оҕо драматическай тыйаатырын иитиллээччилэрэ ситиһиилээхтик кытыннылар. Салайааччы Татьяна Ивановна Захарова.
Ол курдук түмүккэ II БӨЛӨХХӨ (1-4 кылаас үөрэнээччилэрэ)
ЛАУРЕАТ 3 ҮРДЭЛЭ – Саввина Зарина, Д.А.Петров аатынан Ытык-Күөл 2№-дээх орто оскуолатын 1 “а” кылааһын үөрэнээччитэ, “Кустук” оҕо тыйаатырын иитиллээччитэ. Аахпыт айымньыта – М.Ефимова “Сибэккилэр мөккүөрдэрэ” буолла. Салайааччылара: Рахлеева М.П., Захарова Т.И.
ДИПЛОМАНТ 3 ҮРДЭЛЭ – Данилова Аида, Д.А.Петров аатынан Ытык-Күөл 2№-дээх орто оскуолатын 1 “а” кылааһын үөрэнээччитэ, “Кустук” оҕо тыйаатырын иитиллээччитэ. Аахпыт айымньыта – Е.Ульева “Хайдах үтүө майгылаах буолуохха?”. Салайааччылара: Рахлеева М.П., Захарова Т.И.
УЛУУСТААҔЫ НОРУОТ АЙЫМНЬЫТЫН ДЬИЭТИН анал аата – Данилова Аида, Д.А.Петров аатынан Ытык-Күөл 2№-дээх орто оскуолатын 1 “а” кылааһын үөрэнээччитэ, “Кустук” оҕо тыйаатырын иитиллээччитэ. Аахпыт айымньыта – Е.Ульева “Хайдах үтүө майгылаах буолуохха?” Салайааччылара: Рахлеева М.П., Захарова Т.И.
ОҔОЛОРБУТУГАР СИТИҺИИГИТИНЭН ЭҔЭРДЭЛИИБИТ.
