Ытык Тааттаҕа Таптал. Эрэл. Итэҕэл сылынан Саха норуотун төрүт итэҕэлигэр анаммыт түһүлгэ иккис күнэ «Сарыал» култуура киинигэр ыытылынна.
Норуот өйүн-санаатын сомоҕолуу түмэр тэрээһиҥҥэ ыраахтан-чугастан ыҥырыылаах ыалдьыттар тоҕуоруһа түмүстүлэр. Түһүлгэ Саха норуотун духуобунай лиидэрэ Б.Ф. Неустроев — Мандар Уус үтүө тылынан саҕаланна.
Кэпсэтиини иилээн-саҕалаан ыытта Улустааҕы норуот айымньытын дьиэтин дириэктэрэ Гаврил Гаврильевич Вырдылин. Кэпсэтиигэ 200-тэн тахса кыттааччы кытынна, саха итэҕэлин түмсүүлэрэ санааларын сайа этэн, тус көрүүлэрин 36 киһи үллэһиннэ. Түмүккэ СӨ Судаарыстыбаннай сүбэһитэ, геокультурнай сайдыы институтун дириэктэрэ Андрей Саввич Борисов киирбит этиилэри түмэн иһитиннэрдэ уонна салгыы үлэлииргэ аһаҕас куоластааһыҥҥа туруоран кэлбит дьон бука бары сөпсөһөн куоластаатылар. Итэҕэл тула кэпсэтиини бу сигэнэн көрүҥ сэргээн.
https://www.youtube.com/live/KP2cldi6ItY?si=RGFWjNuqRJXQj—U
