Ахсынньы 23 күнүгэр Дьокуускайга «Народная мозаика» народнай инструменнарга улахан куонкурс буолан ааста. Бу куонкурска Ф.С.Аргунов аатынан оҕо искусствотын баян кылааһын үөрэнээччилэрэ: Вырдылин Саша — Гран при, Алексеев Лёня — 1 ст.лауреат, Кычкин Уран — 2 ст.дипломант аатын ыланнар оскуолаларын аатын ааттаттылар. Преподаватель А.И. Павлов компетентнай жюрига улахан музыкааннары кытары бииргэ чилиэнинэн олорбута элбэҕи этэр. Онон кыайыы кынаттаах оҕолорбутунан, кинилэр Учууталларынан киэн туттан туран эҕэрдэлиибит.
Өссө биир үөрүүлээх түгэнинэн выпускникпыт Егор Кузьмин Дальневосточнай молодёжнай АГКиИ народнай инструменнар холбоһуктаах оркестрын кытары улахан концертка солистаата, «Лучший студент АГКиИ» диэн ааты чиэстээхтик сүктэ. Онон республикаҕа профессиональнай музыка таһымыгар улахан кыайыылаах хардыы буолла, инникигэ эрэли үөскэттэ.
