Манчаары оонньууларын культурнай программата бигэргэтилиннэ. Барыта 67 тэрээһин ыытыллыаҕа. Ол курдук, Таатта Ытык сирдэринэн экскурсионнай айаннар, быыстапкалар, дьаарбаҥкалар, улахан кэнсиэрдэр, Кыайыы 80 сылын көрсө тэрээһиннэр, оҕолорго, ыччаттарга аналлаах программалар, куоҥкурустар, сынньалаҥ киэһэлэрэ ыытыллыахтара. Оонньууну үөрүүлээхтик арыйыы от ыйын 8 күнүгэр киэһэ 20.00 чаастан, түмүктүүр тэрээһин от ыйын 12 күнүгэр киэһэ 21.00 чаастан ыытыллыахтара. Кыайыылаахтары наҕараадалыыр дьоро тэрээһиннэр А.Е. Турнин аатынан спорт дыбарыаһын болуоссатыгар от ыйын 9-тан 12 күнүгэр диэри киэһэ 20.00 чаастан ыытыллыахтара.
Көрүҥ, сэргээҥ, сахабыт сирин улахан тэрээһинигэр кыттыһыҥ!
