Ахсынньы ый 16 күнүгэр Хаҥалас улууһун Булгунньахтааҕар «Дьиэрэй ырыа» олохтоох Культура киинигэр манна 1929 с. оскуоланы астарбыт биллиилээх учуутал Семен Васильевич Шепелев төрөөбүтэ 135 уонна кини төрөппүт кыыһа, Саха АССР уонна РСФСР үтүөлээх артыыһа, СӨ норуодунай артыыһа Н.С. Шепелева төрөөбүтэ 100 сылларыгар аналлаах «Вековая история семьи Шепелевых» Төгүрүк остуол буолан ааста.
Манна олохтоох нэһилиэнньэ дьоно-сэргэтэ, Хаҥалас улууһун салалтата, Дьокуускайтан Д.К.Сивцев — Суорун Омоллоон аатынан Опера
уонна Балет Театрын салалтата, кыраайы үөрэтээччилэр, суруйааччылар, артыыстар, Д.К.Сивцев — Суорун Омоллоон төрөппүт оҕолоро Л.Д.Васильева, К.Д.Сивцев, Шепелевтар халыҥ аймах, Тааттаттан Д.К.Сивцев — Суорун Омоллоон төрөөбүт нэһилиэгин «Октябрьскай нэһилиэк» МТ баһылыга А.П.Семенов салайааччылаах делегация о д.а. кыттыыны ыллылар.
Түмүккэ, Шепелевтар дьиэ кэргэн норуоттарыгар оҥорон хаалларбыт үтүөлэрин бэлиэтээн туран Н.С.Шепелева аатынан саҥа Искусство оскуолатын туттарарга Ыҥырыы таһаардылар.
Малдьаҕар нэһилиэгин салалтатыгар, бары олохтоохторугар Саҥа үүнэр сылга кэскиллээх үлэҕитигэр ситиһиилэри баҕарабыт.
